एकैदिन थपिए १६८ कोरोना संक्रमित
केही दिनयता कोरोनाभाइरस संक्रमण बढ्दै गएको छ। आज १६८ जनामा कोरोना देखिएको छ।
स्वास्थ्य तथा जनसंख्या मन्त्रालयका अनुसार सोमबार देशभर तीन हजार २० स्वाब परीक्षण गर्दा १६८ जनामा संक्रमण पुष्टि भएको हो। आइतबार १२१ जनामा कोरोना देखिएको थियो।
आज एक हजार ८३४ जनाको पीसीआर परीक्षण गर्दा १२९ जनामा र एक हजार १८६ जनाको एन्टिजन परीक्षण गर्दा ३९ जनामा कोरोना पुष्टि भएको छ।
देशभर ३७ जना निको भएका छन्। योसँगै सक्रिय संक्रमितको संख्या ७७० पुगेको स्वास्थ्य मन्त्रालयले जनाएको छ।
धेरैजसो काठमाडौं उपत्यकामै संक्रमित थपिएका छन्। स्वास्थ्य मन्त्रालयका अनुसार सक्रिय संक्रमितको संख्या काठमाडौंमा ४५३, ललितपुरमा ६२ र भक्तपुरमा आठ पुगेको छ।
-1732180391.jpg)
-1732099242.jpg)
-1732097316.jpg)
