रामेछापमा बस दुर्घटना: नौ जनाको मृत्यु‚ २३ घाइते
रामेछापको सुनापती गाउँपालिका–५ र खाँडादेवी गाउँपालिका–१ को सिमानामा रहेको लुभुमा यात्रुवाहक बस दुर्घटना हुँदा नौ जनाको मृत्यु भएको छ।
मृत्यु हुनेमा चार महिला र पाँच पुरुष रहेको जिल्ला प्रशासन कार्यालयका सूचना अधिकारी गीता गुरुङले जानकारी दिइन्। रामेछापबाट काठमाडौं आउँदै गरेको बा.३ ख ८३९६ नम्बरको बस मंगलबार बिहान साढे १० बजे दुर्घटना भएको हो। बस सडकबाट करीब ३५ मिटर तल खसेको छ।
दुर्घटनामा अन्य २३ यात्रु घाइते भएका छन्। गम्भीर घाइते तीन जनालाई हेलिकोप्टरबाट काठमाडौं र अन्य घाइतेलाई उपचारका लागि काभ्रेपलाञ्चोकको धुलिखेल अस्पताल पठाइएको सूचना अधिकारी गुरुङले जानकारी दिइन्। दुर्घटनाको कारण भने खुलेको छैन। उद्धारका लागि प्रहरी टोली परिचालन गरिएको छ।
-1732353496.jpg)
