एन्फा महासचिवमा राई, कोषाध्यक्षमा जोशी चयन
अखिल नेपाल फूटबल संघ (एन्फा)को महासचिवमा किरण राई नियुक्त भएका छन्।
एन्फाको बुधबार बसेको बैठकले राईलाई महासचिवमा चयन गरेको नवनिर्वाचित अध्यक्ष पंकज नेम्वाङले बताए। राई यसअघि एन्फा प्रवक्ता थिए।
यस्तै बैठकले एन्फा कोषाध्यक्षमा रवीन्द्र जोशीलाई नियुक्त गरेको अध्यक्ष नेम्वाङले जानकारी दिए।
विदेश विभाग प्रमुखमा नवीन पाण्डेलाई प्रस्ताव गरिएको एन्फा स्रोतले जानकारी दिएको छ। पाण्डेले सहमति जनाए लगत्तै उनलाई प्रमुखमा चयन गरिने एक पदाधिकारीले हिमालखबरलाई बताए।
निवर्तमान अध्यक्ष कर्माछिरिङ शेर्पा समूहलाई पराजित गर्दै नेम्वाङ समूहले एन्फाको नेतृत्व लिएको हो। यसअघिको निर्वाचनमा भने शेर्पा र नेम्वाङ एउटै समूहमा बसेर गणेश थापा पक्षलाई पराजित गरेका थिए।
-1732261651.jpg)
-1732259528.jpg)