सामूहिक बलात्कारको आरोपमा दुई युवक पक्राउ
दाङमा सुस्त मनस्थिति भएकी युवतीमाथि सामूहिक बलात्कार गरेको आरोपमा दुई युवक पक्राउ परेका छन्।
तुलसीपुर उपमहानगरपालिका-९, दोघरेस्थित एक निर्माणाधीन घरमा असार २ गते राति युवतीमाथि सामूहिक बलात्कार भएको जिल्ला प्रहरी कार्यालय, दाङका एसपी सुरेश काफ्लेले बताए। दाङको तुलसीपुरकी घर भएकी २५ वर्षीय युवतीले चार जना विरुद्ध उजुरी दिएकी छन्।
युवतीको उजुरीका आधारमा दुई जनालाई पक्राउ गरिएको हो। तुलसीपुर-९, दोघरेका २४ वर्षीय शंकर विक र २३ वर्षीय कमल चौधरीलाई पक्राउ गरिएको एसपी काफ्लेले बताए।
दुवै जनालाई प्रहरी हिरासतमा राखेर अनुसन्धान शुरू गरिएको छ। अन्य दुई जनाको खोजी भइरहेको एसपी काफ्लेले बताए।
-1732180391.jpg)
-1732099242.jpg)