एसीसी च्याम्पियनशिपमा नेपाल र कुवेतको खेल हुँदै
एसीसी महिला टी-२० च्याम्पियनशिपमा आज नेपाल र कुवेत प्रतिस्पर्धा गर्न लागेका छन्।
मलेशियाको क्वालालम्पुरमा नेपाल र कुवेतको खेल आज दिउँसो १२ः४५ बजे हुनेछ। एसीसी च्याम्पियनशिपमा नेपालको यो दोस्रो खेल हो।
पहिलो खेलमा नेपालले शुक्रबार भुटानलाई ५० रनले पराजित गरेको थियो। नेपालले दिएको ९५ रनको लक्ष्य पछ्याउने क्रममा भुटान ४४ रनमै समेटिएको थियो।
समूह ‘बी’ मा रहेको नेपाल पहिलो खेलमा जित हासिल गरेसँगै दुई अङ्क सहित तालिकाको शीर्षस्थानमा छ। बहराइन र कुवेत भने शुक्रबार बराबरी खेलर एक-एक अङ्क सहित दोस्रो र तेस्रो स्थानमा छन्।
भुटानले अङ्क जोड्न सकेको छैन भने हङकङ आज बहराइनसँग भिड्दै छ।
नेपाल र कुवेतबीच अहिलेसम्म दुई खेल भएका छन्। जसमा नेपालले दुवै खेल जितेको छ। सन् २०१९ मा भएको पहिलो खेल ३० रनले जितेको थियो भने गत वर्ष भएको दोस्रो खेल नौ विकेटले जितेको थियो।
-1732261651.jpg)
-1732259528.jpg)
