ताप्लेजुङमा पहिरोले पुरिएर सासू-बुहारी सम्पर्कविहीन
ताप्लेजुङको सिरिजङ्घा गाउँपालिका–७ खेवाङमा पहिरोमा पुरिएर सासू र बुहारी सम्पर्कविहीन भएका छन्।
वर्षासँगै बिहीबार राति करीब साढे ८ बजे झरेको पहिरोमा पुरिएर तुलसा अधिकारी र यशोदा अधिकारी सम्पर्कविहीन भएको प्रहरीले जनाएको छ। तुलसा सासू र यशोदा बुहारी हुन्।
यशोदाका श्रीमान् विष्णु भने भागेर ज्यान जोगाउन सफल भएको स्थानीय लक्ष्मण अधिकारीले जानकारी दिए।
पहिरोले अधिकारीका दुईवटै घर बगाएको छ भने नजिकै रहेका पशुचौपाया समेत पुरेको बताइएको छ। थप विवरण आउन बाँकी छ। (रासस)
-1732353496.jpg)
