अन्तिम खेलमा अमेरिकासँग प्रतिस्पर्धा गर्दै नेपाल
आईसीसी पुरुष क्रिकेट विश्वकप लिग-२ अन्तर्गत आज नेपाल र अमेरिकाबीच प्रतिस्पर्धा हुँदै छ।
अमेरिका भ्रमणमा रहेको नेपालले अन्तिम खेलमा अमेरिकासँग प्रतिस्पर्धा गर्न लागेको हो। नेपाल र अमेरिकाबीचको खेल आज राति ९ः१५ बजे हुनेछ।
यसअघि अमेरिकासँग भएको खेल बराबरीमा टुङ्गिएको थियो। अन्तिम ओभरमा मोहम्मद आदिल आलमले दुई विकेट लिएपछि नेपाल र अमेरिकाको खेल बराबरी भएको थियो।
त्यस्तै, अमेरिका भ्रमणका क्रममा नेपालले प्रतिस्पर्धा गरेका तीन खेलमा एक जितेको छ भने एकमा हार बेहोरेको छ।
गएराति भएको खेलमा ओमनलाई सात विकेटले पराजित गरेको हो। त्यसअघि जेठ २६ गते भएको खेलमा ओमनसँग १३ रनले पराजित भएको थियो।
अमेरिकासँग भएका पाँच वटा एकदिवसीय खेलमा नेपालले तीन खेल जितेको छ भने एक हारेको छ। एक खेल बराबरीमा टुङ्गिएको थियो।
-1732261651.jpg)
-1732259528.jpg)
