एसीसी च्याम्पियनसिपका लागि राष्ट्रिय टोली घोषणा
एसीसी महिला टी-२० च्याम्पियनसिपका लागि नेपाल क्रिकेट संघ (क्यान)ले राष्ट्रिय टोली घोषणा गरेको छ।
क्यानले सोमबार रुबिना क्षेत्रीको नेतृत्वमा १५ सदस्यीय राष्ट्रिय टोली घोषणा गरेको हो। टोलीमा इन्दु बर्मा उपकप्तान रहेकी छन्।
त्यस्तै, राष्ट्रिय टोलीमा सीता राना मगर, ज्योती पाण्डे, कविता कुँवर, अस्मिता कर्माचार्य, कविता जोशी, ममता चौधरी, मनिषा उपाध्याय, डल्ली भट्ट, विन्दु रावल, संगिता राई, अप्सरा बेगम, काँजल श्रेष्ठ र सवनम राई छन्।
एसीसी च्याम्पियनसिप असार ३ देखि ११ गतेसम्म मलेसियामा हुनेछ। नेपाल समूह ‘बी’मा रहेको छ। जसमा बहराइन, भूटान, हङकङ र कुवेत छन्।
-1732261651.jpg)
-1732259528.jpg)
