गठबन्धनले हाम्रो सम्मानै गरेन: झलनाथ खनाल
नेकपा (एकीकृत समाजवादी)का सम्मानित नेता झलनाथ खनालले स्थानीय चुनावमा गठबन्धनका अन्य दलहरूले आफ्नो पार्टीलाई सम्मान नगरेको गुनासो गरेका छन्।
एकीकृत समाजवादीद्वारा काठमाडौं महानगरपालिका वडा नम्बर १५ मा शनिबार आयोजित कार्यक्रममा बोल्दै उनले हालै सम्पन्न निर्वाचनमा गठबन्धनबाट आफ्नो पार्टीलाई फाइदा नभएको खनालको दावी गरे।
“गठबन्धनले न हाम्रो सही ढंगले मूल्यांकन गर्यो, न सम्मान गर्यो, न हामीलाई त्यसबाट धेरै फाइदा नै भयो” पूर्व प्रधानमन्त्री खनालले भने, “तर जहाँ–जहाँ हामी आफै स्वतन्त्रतापूर्वक उभियौं, त्यो ठाउँमा हामीले राम्रो विजय प्राप्त गर्यौं।”
गत वर्ष नेकपा (एमाले)बाट विभाजित भएर बनेको एकीकृत समाजवादीले २० पालिका प्रमुख सहित ९८७ जनप्रतिनिधि जित्यो। एकीकृत समाजवादीले २७ पालिकामा गठबन्धनको साथ पाएकोमा १३ स्थानमा जित हासिल गर्यो। ७ पालिका प्रमुख भने उसले तालमेल नगरी जित्यो।
-1732180391.jpg)
-1732099242.jpg)