बालेनको प्रतिबद्धताः काठमाडौंलाई विश्वकै उत्कृष्ट र सुन्दर शहर बनाउनेछौं
काठमाडौं महानगरपालिकाका नवनिर्वाचित मेयर बालेन्द्र साह (बालेन) ले काठमाडौंलाई विश्वकै उत्कृष्ट र सुन्दर शहर बनाउने बताएका छन्।
विजयी भएको घोषणापछि बोल्दै बालेनले सबै मिलेर काठमाडौंलाई देशको मात्र नभई विश्वकै उत्कृष्ट र सुन्दर शहर बनाउने प्रतिबद्धता व्यक्त गरेका हुन्। “काठमाडौं महानगर सधैं परिवारका रूपमा रहेको थियो र परिवार नै रहनेछ,” उनले भने, “हामी सबै मिलेर अब काठमाडौंलाई देशको मात्र नभएर विश्वकै सुन्दर र उत्कृष्ट नगर बनाउन सबैले सहकार्य गर्नेछौं भन्ने आशा राखेका छौं।”
मेयर बालेनले निर्वाचन परिणाम विजयभन्दा पनि शुरूआती भएको बताए। “निर्वाचनको परिणाम जुन आएको छ‚ यो हाम्रो विजयभन्दा पनि हाम्रो कार्यको शुरूआत हुनेछ,” उनले भने, “अबको पाँच वर्षमा आफ्ना भिजन र अजेन्डाहरूलाई पूर्ण रूपमा कार्यसम्पन्न गर्ने हाम्रो धारणा रहेको छ।”
-1732353496.jpg)
