अर्थशास्त्री वाग्लेको पुस्तक ‘अतृप्त अवसर’ सार्वजनिक
अर्थशास्त्री स्वर्णिम वाग्लेको पुस्तक ‘अतृप्त अवसर’ सार्वजनिक भएको छ।
आइतबार काठमाडौंमा आयोजित एक कार्यक्रममा नेपाली कांग्रेस महामन्त्री गगन थापा, लेखक वाग्ले तथा राष्ट्रिय योजना आयोगकी पूर्व सदस्य उषा झाले पुस्तक सार्वजनिक गरेका हुन्।
फाइन प्रिन्टले प्रकाशन गरेको पुस्तकमा वाग्लेका यसअघि प्रकाशित अर्थ-राजनीतिक लेख र अन्तर्वार्ता समावेश गरिएका छन्। पुस्तकमा कांग्रेसका महामन्त्री थापाले भूमिका लेखेका छन्।
कार्यक्रममा बोल्दै थापाले नेपालका राजनीतिक दलहरूले सरकारमा कसरी पुग्ने भनेर व्यापक तयारी गरे पनि सरकार कसरी चलाउने भनेर ध्यान नै दिन नसकेको बताए।
पुस्तकका लेखक वाग्लेले केपी शर्मा ओली नेतृत्वको नेकपाको सरकारले राजनीतिक अनुकूल वातावरण पाए पनि शासकीय कौशलता देखाएर प्रभावकारी काम गर्न चुकेको बताए।
-1732353496.jpg)
