धनगढीको मेयरमा हमाल र उपमेयरमा राना विजयी
सुदूरपश्चिम प्रदेशको एक मात्र उपमहानगरपालिका धनगढीको मेयरमा स्वतन्त्र उम्मेदवार गोपाल हमाल निर्वाचित भएका छन्। उनी १२ हजारभन्दा बढी मतान्तरले निर्वाचित भएका हुन्।
मुख्य निर्वाचन अधिकृतको कार्यालयका अनुसार‚ हमालले २६ हजार ८६५ मत प्राप्त गरेका छन्। उनका निकटतम प्रतिस्पर्धी गठबन्धनका तर्फबाट उम्मेदवार नेपाली कांग्रेसका नृपबहादुर वडले १४ हजार ८१७ मत प्राप्त गरेका छन्। यस्तै‚ नेकपा (एमाले) का रणबहादुर चन्दले नौ हजार ११५ मत प्राप्त गरेका छन्।
उपमेयरमा एमालेकी कन्दकला राना निर्वाचित भएकी छन्। उनले १५ हजार ४७९ मत प्राप्त गरेकी छन्। गठबन्धनका तर्फबाट नेकपा (माओवादी केन्द्र) का उम्मेदवार शान्ति अधिकारीले १२ हजार ६७० मत प्राप्त गरेका छन्।
९३ हजार १५१ मतदाता रहेको उपमहानगरपालिकामा ६३ हजार ६४७ मत खसेको मुख्य निर्वाचन अधिकृतको कार्यालयले जनाएको छ। -रासस
-1732353496.jpg)
