हेटौंडा उपमहानगरको मेयरमा एकीकृत समाजवादीकी मीना लामा विजयी
मकवानपुरको हेटौंडा उपमहानगरपालिकाको मेयरमा नेकपा (एकीकृत समाजवादी) की मीना लामा निर्वाचित भएकी छन्। सत्ता गठबन्धनबाट उम्मेदवार बनेकी लामाले २३ हजार ८० मत प्राप्त गरेकी छन्।
उनका निकटतम प्रतिद्वन्द्वी नेकपा (एमाले) का अनन्ततप्रसाद पौडेलले २० हजार ९०८ मत ल्याएका छन्। यस्तै‚ राप्रपाको दीपकबहादुर सिंहले २० हजार ५३१ मत प्राप्त गरेका छन्।
उपमेयरमा सत्ता गठबन्धनबाट नेपाली कांग्रेसका राजेश बानिया ३३ हजार १२४ मत सहित विजयी भएका छन्। उनकी निकटतम प्रतिद्वन्द्वी एमालेकी सुमित्रा काफ्लेले २४ हजार ३२८ मत ल्याएकी छन्।
राप्रपाकी इन्दिरा न्यौपानेले पाँच हजार ५९७ मत ल्याएको मकवानपुर जिल्लाका मुख्य निर्वाचन अधिकृत डिल्लीरत्न श्रेष्ठले जानकारी दिए।
-1732353496.jpg)
