विजयी घोषणापछि भेटिएको बाकसको मतगणना, दुवै उम्मेदवारको बराबर मत
निर्वाचन आयोगले विजयी घोषणा गरेपछि भेटिएको सिलबन्दी बाकसको मतगणना गर्दा दुवै उम्मेदवारको मत बराबर भएको छ।
तीन दिनअघि महोत्तरीको बर्दिबास नगरपालिका–८ को वडाध्यक्षमा नेकपा (माओवादी केन्द्र) का शमशेरसिंह लामा निर्वाचित भएको घोषणा गरिएको थियो। उनले ७५३ मत पाएका थिए भने प्रतिस्पर्धी नेकपा (एमाले) का रुद्र किङरिङले ७४४ मत पाएका थिए।
त्यसपछि आज सिल नखोलिएको एउटा मतपेटिका भेटिएको थियो। सर्वदलीय बैठकले त्यसमा रहेका मतगणना गर्ने सहमति गरेकाे थियो।
आज मतगणना गर्दा दुवैको मत बराबर भएको निर्वाचन अधिकृतको कार्यालयले जनाएको छ।
आजको गणनामा दुवै उम्मेदवारको मत समान ७६७ पुगेको छ। अब गोलाप्रथाबाट विजयी घोषणा गर्ने तयारी भइरहेको छ।
-1732535850.jpg)
-1732452683.jpg)
