तमलोपाले खाता खोल्यो
महोत्तरीको महोत्तरी गाउँपालिका अध्यक्षमा तराई मधेश लोकतान्त्रिक पार्टी (तमलोपा) का उम्मेदवार दिलीपकुमार पाण्डेय विजयी भएका छन्।
पाण्डेयले दुई हजार ३३९ मत र उनका निकटतम प्रतिद्वन्द्वी जनता समाजवादी पार्टी (जसपा) का अजयजंग रायले दुई हजार २०८ मत प्राप्त गरेका छन्। यस्तै‚ लोकतान्त्रिक समाजवादी पार्टी नेपालका सुनीलकुमार रायले एक हजार ८७२‚ नेपाली कांग्रेसका दिलीपकुमार चौधरीले एक हजार १४५, नेकपा एमालेका छेदी चौधरीले ७४७ मत प्राप्त गरेका छन्।
उपाध्यक्षमा भने जसपाकी दिपोदेवी पासवान विजयी भएकी छन्। उनले दुई हजार ६४ मत प्राप्त गरिन्। तमलोपाकी ललितादेवी साहले एक हजार ९९१ मत प्राप्त गरेकी छन्।
-1732353496.jpg)
