एमाले उपाध्यक्ष नेम्वाङको गृहनगरमा कांग्रेस विजयी
नेकपा (एमाले) का उपाध्यक्ष सुवास नेम्वाङको गृहनगर इलाम नगरपालिकामा नेपाली कांग्रेसले मेयर र उपमेयर दुवै पदमा विजय हासिल गरेको छ।
मेयरमा केदार थापा १३ हजार १६५ मत प्राप्त गर्दै विजयी भएका छन्। उनका निकटतम प्रतिद्वन्द्वी एमालेका धीरेन चेम्जोङले १० हजार ५८७ मत प्राप्त गरेका छन्।
यस्तै‚ उपमेयरमा कांग्रेसका उम्मेदवार विष्णुकुमारी लिम्बूले १३ हजार ५४२ मत प्राप्त गरेकी छन्। एमालेकी सीतादेवी रिजालले १० हजार ८८ मत प्राप्त गरेकी छन्।
१२ वटा वडा रहेको नगरपालिकामा एमालेले वडा नम्बर २‚ ३ र ११ मा वडाध्यक्ष जितेको छ। बाँकी वडामा कांग्रेसले वडाध्यक्ष जितेको छ।
यस नगरपालिकामा यसअघि एमालेले जितेको थियो।
-1732353496.jpg)
