भरतपुरमा रेणु दाहालको अग्रता कायमै‚ पछ्याउँदै विजय सुवेदी
चितवनको भरतपुर महानगरपालिकामा पाँच दलीय गठबन्धनका उम्मेदवार नेकपा (माओवादी केन्द्र) की रेणु दाहाल र नेकपा (एमाले) का उम्मेदवार विजय सुवेदीबीच कडा प्रतिस्पर्धा भएको छ।
दुई उम्मेदवारको मत अघिपछि हुँदै वडा नम्बर ४ को गणना सकिंदा दाहालले ३० मतले अग्रता लिएकी हुन्। दाहालले पाँच हजार ७१८ मत र सुवेदीले पाँच हजार ६८८ मत प्राप्त गरेका छन्। स्वतन्त्रबाट उम्मेदवार जगन्नाथ पौडेलले दुई हजार ७८८ मत प्राप्त गरेका छन्।
उपप्रमुखमा नेपाली कांग्रेसका चित्रसेन अधिकारीले ६ हजार ९८५ र राप्रपाका हिमला गुरुङले चार हजार ६४५ मत प्राप्त गरेका छन्।
मंगलबार बिहान सार्वजनिक गरिएको पछिल्लो नतीजा अनुसार‚ वडा नम्बर ४ को गणना सम्पन्न हुँदा कांग्रेसका अर्पण पोखरेल दुई हजार ५३० मतका साथ विजयी भएका छन्। एमालेका उम्मेदवार भानुभक्त सापकोटाले एक हजार ६३३ र राप्रपाका चतुर्भुज कँडेलले ८८० मत प्राप्त गरेका छन्।
वडा नम्बर ५ को मतगणना थालिएको छ। भरतपुरमा एक लाख २७ हजार ८३९ मत खसेको छ। -रासस
-1732353496.jpg)
