कास्कीको अन्नपूर्णमा एमाले विजयी
कास्कीको अन्नपूर्ण गाउँपालिकाको अध्यक्ष र उपाध्यक्ष दुवै पदमा नेकपा (एमाले) का उम्मेदवार विजयी भएका छन्।
मंगलबार सकिएको गणनामा एमालेका विष्णुबहादुर केसी नेपाली कांग्रेसका युवराज कुँवरलाई ७६३ मतान्तरले पराजित गर्दै अध्यक्षमा विजयी भएका हुन्। केसीले ६ हजार ७२२ मत र कुँवरले पाँच हजार ९५९ मत प्राप्त गरेका छन्। २०७४ सालको निर्वाचनमा केसी निवर्तमान गाउँपालिका अध्यक्ष कुँवरसँग पराजित भएका थिए।
उपाध्यक्षमा एमालेकै चन्द्रकला अधिकारी देवकोटा ६ हजार ६०८ मत सहित विजयी भएकी छिन्। उनकी निकटतम प्रतिद्वन्द्वी कांग्रेसकी खेमकुमारी गुरुङले ६ हजार १४ मत प्राप्त गरिन्। अन्नपूर्णका ११ वटा वडामध्ये १, ३, ६, ७, ९ र ११ वडामा एमाले र २, ४, ५, ८ र १० मा कांग्रेसले वडाध्यक्ष जितेका छन्। -रासस
-1732353496.jpg)
