भरतपुरमा मतान्तर बढाउँदै एमालेका विजय सुवेदी
चितवनको भरतपुर महानगरपालिकामा नेकपा (एमाले) का मेयरका उम्मेदवार विजय सुवेदी मतान्तर बढाउँदै लगेका छन्।
पछिल्लो परिणाम अनुसार‚ सुवेदीले ३ हजार ३४२ मत प्राप्त गरेका छन्। पाँच दलीय गठबन्धनको तर्फबाट नेकपा (माओवादी केन्द्र) की रेणु दाहालले ३ हजार ३२७ मत र नेपाली कांग्रेसका ‘बागी’ उम्मेदवार जगन्नाथ पौडेलले १ हजार २०४ मत प्राप्त गरेका छन्।
उपप्रमुखमा गठबन्धनका तर्फबाट कांग्रेसका चित्रसेन अधिकारीले ३ हजार ७१६ मत प्राप्त गर्दै अगाडि छन्। उनका प्रतिस्पर्धी एमालेसहितको गठबन्धनकी हिमला गुरुङले २ हजार ६६५ मत पाएकी छिन्।
यस्तै‚ हाल गणना भइरहेको वडा नम्बर ३ मा एमालेका विकास थापाले ६७७ र भरत लामिछानेले ४२९ मत प्राप्त गरेका छन्। यस वडामा ३ हजार २४४ मत खसेको थियो। यसअघि वडा नम्बर १ र २ को वडाध्यक्षमा गठबन्धनबाट कांग्रेसले विजय हासिल गरेको छ। भरतपुरमा १ लाख २७ हजार ८३९ मत खसेको छ। -रासस
-1732353496.jpg)
