हेटौंडामा गठबन्धनलाई पछ्याउँदै राप्रपा
हेटौंडा उपमहानगरपालिकाको मेयरमा राष्ट्रिय प्रजातन्त्र पार्टी (राप्रपा) ले सत्तारुढ गठबन्धनलाई पछ्याउन थालेको छ।
आइतबार मध्याह्नसम्म एकीकृत समाजवादी र नेकपा (एमाले) का उम्मेदवारबीच प्रतिस्पर्धा रहेको थियो। साँझ ६ः४५ बजेसम्मको मतगणनामा राप्रपाका उम्मेदवार दोस्रो नम्बरमा आएका हुन्।
अहिलेसम्म चार वटा वडाको आठ हजार १७१ मत गणना गरिएको छ। जसमा एकीकृत समाजवादीकी मीनाकुमारी लामाले दुई हजार ४४२ मत पाएकी छन्।
दोस्रो नम्बरमा रहेका राप्रपाका दीपकबहादुर सिंहले दुई हजार ३६० मत पाएका छन्। एमालेका उम्मेदवार अनन्त पौडेल दुई हजार ३३६ मत सहित तेस्रो नम्बरमा छन्।
अहिले हेटौंडा–१ को मतगणना सकिएको छ। वडाध्यक्षमा कांग्रेसका सबिन न्यौपाने निर्वाचित भएका हुन्। उनी निवर्तमान अध्यक्ष पनि हुन्।
-1732353496.jpg)
