भरतपुरमा रेणु दाहाल ६७ मतले अगाडि
भरतपुर महानगरपालिकामा मेयरकी उम्मेदवार रेणु दाहालले अग्रता कायमै राखेकी छन्।
आइतबार बिहान साढे ११ बजेसम्म तीन हजार ९७७ मत गणना हुँदा दाहालले एक हजार ३७२ मत प्राप्त गरेकी छन्। उनका प्रतिस्पर्धी नेकपा (एमाले) का विजय सुवेदीले एक हजार ३०५ मत प्राप्त गरेका छन्।
त्यस्तै, स्वतन्त्र उम्मेदवार जगन्नाथ पौडेलले ४७० मत पाएका छन्। उनी कांग्रेसबाट विद्रोह गरेर स्वतन्त्र उम्मेदवार बनेका हुन्।
यसै गरी उपमेयरमा कांग्रेसका चित्रसेन अधिकारीले अग्रता कायमै राखेका छन्। उनले एक हजार ५४२ मत पाएका छन् भने राप्रपाकी हिमला गुरुङले एक हजार ३५ मत पाएकी छन्।
शनिबार बिहान १०ः५० बजेदेखि मतगणना शुरू भएको हो। एक दिनमा करीब चार हजार मात्रै मत गणना भएको छ।
-1732353496.jpg)
