घोराही उपमहानगरमा गठबन्धनको अग्रता
घोराही उपमहानगरपालिकाको प्रमुख पदमा गठबन्धनका उम्मेदवार नेकपा (माओवादी केन्द्र)का हेमराज शर्माले सुरुआती अग्रता लिएका छन्।
घोराहीमा ३१७ मतगणना हुँदा शर्माले १७२ मत प्राप्त गरेका छन्। नेकपा ९एमाले०का उम्मेदवार नरुलाल चौधरीले १४५ मत प्राप्त गरेका छन्।
त्यस्तै, उपप्रमुखमा गठबन्धनबाट उम्मेदवार नेपाली कांग्रेसका भुपबहादुर डाँगीले १८० मत र नेकपा९एमाले०का उम्मेदवार हुमा डिसीले १४० मत पाएका छन्।
लुम्बिनी प्रदेश निर्वाचन कार्यालय दाङका अनुसार घोराही उपमहानगरपालिकामा वडा नं १४, १८ र १९ को मतगणना भइरहेको छ।
घोराही उपमहानगरपालिकामा कूल एक लाख १२ हजार ९२७ मतदाता रहेकामा ७६ हजार ५२९ मत खसेको थियो। रासस
-1732353496.jpg)
