समग्रमा मतदान शान्तिपूर्ण र उत्साहजनकः निर्वाचन आयोग
निर्वाचन आयोगले स्थानीय तह निर्वाचनमा छिटपुट घट्ना बाहेक मतदान शान्तिपूर्ण र उत्साहजनक रहेको जनाएको छ।
आयोगका प्रवक्ता शालिग्राम शर्मा पौडेलद्वारा वैशाख ३० गते राति जारी विज्ञप्तिमा भनिएको छ, “आज भएको स्थानीय तह निर्वाचन छिटपुट घटना बाहेक समग्रमा शान्तिपूर्ण र उत्साहजनक रूपमा सम्पन्न भएको छ।”
आयोगका अनुसार, १६ जिल्लाका २८ पालिकाका ७७ केन्द्रमा मतदान स्थगन भएको छ। ती केन्द्रहरूमा छिटै मिति र समय निर्धारण हुने पौडेलले जानकारी दिए। गण्डकी र लुम्बिनी प्रदेशमा भने मतदान स्थगन भएको छैन।
राति १० बजेसम्मको विवरण अनुसार ६४ प्रतिशत मत खसेको छ।
-1732353496.jpg)
