मतपेटिका सङ्कलन गरिंदै, आजै मतगणना हुने
स्थानीय तहको निर्वाचन अन्तर्गत देशभर मतदान सकिएको छ भने मतपेटिका सङ्कलन भइरहेका छन्।
निर्वाचत आयोगका अनुसार, केही स्थान बाहेक देशभर शान्तिपूर्ण रूपमा मतदान सम्पन्न भएको छ। अधिकांश मतदान केन्द्रबाट मतपेटिका सङ्कलन भइरहेको आयोगले जनाएको छ।
काठमाडौं लगायत देशमा मुख्य शहरमा मतपेटिका सङ्कलन भइसकेका छन्। काठमाडौं महानगरका मतपेटिका राष्ट्रिय सभा केन्द्र पुर्याइएका छन्। महानगरको मतगणना राष्ट्रिय सभागृहमै हुनेछ।
अन्य शहरमा पनि मतपेटिका सङ्कलन भइरहेको आयोगले जनाएको छ। मतपेटिका सङ्कलन भएका स्थानीय तहमा आजै मतगणना शुरू हुने भएको छ।
-1732353496.jpg)
