आज चुनाव, मतदाता बिहानैदेखि मतदान केन्द्रमा
_1652403054.jpg)
आज स्थानीय तहको निर्वाचन हुँदै छ भने मतदाता भोट हाल्न बिहानै मतदान स्थलमा पुगेका छन्।
मकवानपुरको हेटौंडा उपमहानगरपालिका-९ स्थित प्रगति मावि मतदान केन्द्रमा बिहानैदेखि मतदाताको लाइन लागेको छ। पछि गर्मी हुने भएकाले बिहानै मतदान केन्द्र पुगेको मतदाताले बताएका छन्।
केही बेरमा देशभर मतदान शुरू हुँदै छ। निर्वाचन आयोगले चुनावको सबै तयारी पूरा भएको जनाएको छ। आयोगका अनुसार, आज बिहान ७ बजेदेखि मतदान शुरू हुनेछ। साँझ ५ बजेसम्म मतदान गर्ने समय तोकिएको छ।
देशभरका ७५३ वटै स्थानीय तहमा निर्वाचन हुने लागेको हो। सबै स्थानीय तहमा ३५ हजार २२१ जनप्रतिनिधि निर्वाचित हुनेछन्। यसमध्ये ३५५ जना निर्विरोध निर्वाचित भइसकेका छन्।
आयोगका अनुसार, आज मतदान गर्न देशभर १० हजार ७५३ मतदानस्थल तोकिएका छन्। त्यस अन्तर्गत २१ हजार ८७७ मतदान केन्द्रबाट भोट हाल्ने व्यवस्था गरिएको छ।
यस पटक एक करोड ७७ लाख ३३ हजार ७२३ मतदाताले मतदान गर्न पाउनेछन्। देशभर एक लाख ४५ हजार ११ उम्मेदवार चुनावी मैदानमा छन्।
-1732353496.jpg)
