भारतीय प्रधानमन्त्री मोदी पाँचौं पटक नेपाल आउँदै
भारतीय प्रधानमन्त्री नरेन्द्र मोदी २ जेठमा औपचारिक भ्रमणमा नेपाल आउन लागेका छन्।
परराष्ट्र मन्त्रालयले बिहीबार प्रेस विज्ञिप्त जारी गरी भारतीय प्रधानमन्त्री मोदी २ जेठमा नेपाल आउन लागेको जनाएको छ। भारतीय विदेश मन्त्रालयले पनि आजै प्रेस विज्ञप्ति जारी गरी प्रधानमन्त्री मोदी नेपाल भ्रमण गर्न लागेको जनाएको छ।
मोदी प्रधानमन्त्रीका रूपमा पाँचौं पटक नेपाल भ्रमणमा आउन लागेका हुन्। उनी बुद्ध जयन्तीको अवसरमा लुम्बिनी आउन लागेका हुन्। लुम्बिनीमा आयोजना हुने विशेष समारोहमा प्रधानमन्त्री शेरबहादुर देउवासँगै भारतीय प्रधानमन्त्री मोदी पनि सहभागी हुने परराष्ट्र मन्त्रालयले जनाएको छ।
दुवै देशका प्रधानमन्त्रीबीच लुम्बिनीमा भेटवार्ता हुने भएको छ। जसमा दुई देशको आपसी हितका विषयमा छलफल हुने परराष्ट्र मन्त्रालयले जनाएको छ।
त्यस्तै, परराष्ट्र मन्त्री नारायण खड्काले पनि भारतीय प्रधानमन्त्री मोदीसँग भेटवार्ता गर्ने कार्यक्रम रहेको छ।
-1732180391.jpg)
-1732099242.jpg)
