एसईई विद्यार्थीका लागि एनसेलको ‘पहिलो सिम’ योजना
_(1)_(1).jpg)
एसईईका विद्यार्थीका लागि एनसेल आजियाटा लिमिटेडले विशेष अफर ‘पहिलो सिम’ ल्याएको छ।
यो योजना अन्तर्गत एसईईका विद्यार्थीले एनसेलको प्रिपेड सिम खरीद गर्दा सामाजिक सञ्जाल प्रयोग गर्न ४ जीबी डेटासँगै रिचार्जमा बोनस लगायत सुविधा पाउनेछन्।
यो योजना अन्तर्गत २०७९ को एसईईका विद्यार्थीले प्रवेशपत्रसँगै आमा वा बुबाको नागरिकताको फोटोकपी, एक प्रति पासपोर्ट साइज फोटो सहित एनसेल सेन्टर वा डाइरेक्ट सेलिङ प्वाइन्टबाट पहिलो सिम खरीद गर्न सक्नेछन्।
यो सिम कर सहित ४८ रुपैयाँमा खरीद गर्न सकिनेछ भने यसमा १० रुपैयाँ ब्यालेन्स हुनेछ। यससँगै फेसबूक, यूट्युब र टिकटक चलाउन प्रत्येक हप्ता एक जीबीका दरले चार हप्तासम्म ४ जीबी डेटा पाउनेछन्।
त्यस्तै, विद्यार्थीले ६ महीनासम्म ५० रुपैयाँ वा सोभन्दा बढीको रिचार्जमा सामाजिक सञ्जाल चलाउन एक जीबी डेटा बोनस पाउनेछन्। यो अफर वैशाख १६ गतेदेखि सञ्चालनमा आएको छ।
-1732353496.jpg)
-1732261651.jpg)
