उपाधिका लागि भिड्दै नेपाल र पपुवा न्यूगिनी
त्रिदेशीय टी-२० अन्तर्राष्ट्रिय शृङ्खलाको उपाधिका लागि नेपाल र पपुवा न्यूगिनीबीच आज प्रतिस्पर्धा हुँदै छ।
काठमाडौंको कीर्तिपुरस्थित त्रिवि क्रिकेट मैदानमा आज मध्याह्न १२ः३० बजे नेपाल र पपुवा न्यूगिनीबीचको खेल हुनेछ। नेपाल समूह चरणका सबै खेल जित्दै फाइनलमा पुगेको हो।
पपुवा न्यूगिनी भने रनरेटका आधारमा मलेशियालाई उछिन्दै फाइनलमा प्रवेश गरेको हो। पपुवा न्यूगिनी र मलेशियाले समूह चरणका एक-एक खेल मात्रै जितेका छन्।
अहिलेसम्म भएका तीन वटा टी-२० प्रतिस्पर्धामध्ये नेपालले दुई र पपुवा न्यूगिनीले एक खेल जितेका छन्। नेपालले यही प्रतियोगिताको समूह चरणका दुई खेलमा पपुवा न्यूगिनीलाई ३७ र १५ रनले पराजित गरेको हो।
त्यस्तै, पपुवा न्यूगिनीले सन् २०१५ मा भएको खेलमा नेपाललाई आठ विकेटले पराजित गरेको थियो।
-1732261651.jpg)
-1732259528.jpg)
