फाइनल प्रवेशका लागि पपुवा न्यूगिनीसँग भिड्दै नेपाल
त्रिदेशीय टी-२० अन्तर्राष्ट्रिय शृङ्खलाको फाइनल प्रवेशका लागि आज नेपालले पपुवा न्यूगिनीसँग प्रतिस्पर्धा गर्न लागेको छ।
काठमाडौंको कीर्तिपुरस्थित त्रिवि क्रिकेट मैदानमा मध्याह्न १२ः३० बजे नेपाल र पपुवा न्यूगिनीबीच प्रतिस्पर्धा हुनेछ। यसअघि भएको पहिले खेलमा नेपालले पपुवा न्यूगिनीलाई १५ रनले पराजित गरेको थियो।
तीन देश सम्मिलित प्रतियोगितामा नेपालले दुई खेल जितेर ४ अङ्क प्राप्त गरेको छ। आजको खेल जितेमा नेपाल ६ अङ्क जोड्दै फाइनलमा प्रवेश गर्नेछ।
पपुवा न्यूगिनीले अहिलेसम्म एक खेल पनि जितेको छैन। आज प्रतियोगिताको चौथो खेल हुन लागेको छ।
अर्को टोली मलेशियाले भने एक खेल जितेर २ अङ्क प्राप्त गरेको छ। मलेसिया अङ्कतालिकाको दोस्रो स्थानमा छ।
तीनै टोलीले एक-अर्कासँग दुई-दुई खेल खेल्नेछन्। अङ्कतालिकाको शीर्ष स्थानमा रहेका दुई टोली फाइनल प्रवेश गर्नेछन्।
-1732261651.jpg)
-1732259528.jpg)
