कांग्रेस मकवानपुर सभापतिमा बुद्ध लामा
नेपाली कांग्रेस मकवानपुरको जिल्ला सभापतिमा बुद्ध लामा चयन भएका छन्।
पहिलो चरणको मतदान अनिर्णीत बनेपछि नेताहरूबीच सभापतिमा लामालाई सर्वसम्मत चयन गर्ने सहमति भएको कांग्रेस मकवानपुरले जनाएको छ।
केन्द्रीय सहमहामन्त्री महालक्ष्मी उपाध्याय ‘डीना’, बागमती प्रदेश सभापति इन्द्रबहादुर बानियाँ, सभापतिका उम्मेदवार लामा, आनन्दराम पराजुली सहितको बैठकबाट लामालाई सभापति चयन गर्ने निर्णय भएको हो।
सोमबार भएको पहिलो चरणको मतदानमा बुद्ध लामाले पाँच सय ९२ मत प्राप्त गरेका थिए। दोस्रो स्थानमा रहेका आनन्दराम पराजुलीले पाँच सय ४५ मत प्राप्त गरेका थिए। यस्तै, अर्का आकाङ्क्षी जयराम लामिछानेले पाँच सय ३१ मत प्राप्त गरेका थिए। एक हजार आठ सय ५३ मतदातामध्ये एक हजार सात सय ७५ प्रतिनिधिले मतदान गरेका थिए।
पहिलो चरणमा सभापति चयन हुन कुनै पनि उम्मेदवारले ५१ प्रतिशत मत प्राप्त गर्न नसकेपछि निर्वाचन समितिले दोस्रो चरणको मतदान मंगलबार दिउँसो १ बजेदेखि शुरू हुने सूचना प्रकाशित समेत गरिसकेको थियो।
-1732353496.jpg)
