कलाकार पल शाह पक्राउ
बलात्कारको आरोपमा कलाकार पल शाह पक्राउ परेका छन्।
जिल्ला प्रहरी कार्यालय, तनहुँले आइतबार कलाकार शाहलाई पक्राउ गरेको हो। जिल्ला प्रहरी कार्यालयका प्रहरी नायब उपरीक्षक (डीएसपी) युवराज खड्काले शाह पक्राउ परेको बताए।
“अहिले हामीसँगै जिल्ला प्रहरी कार्यालयमा हुनुहुन्छ,” डीएसपी खड्काले हिमालखबरसँग भने, “अब अनुसन्धान प्रक्रिया अघि बढ्छ।”
नाबालिकामाथि बलात्कार गरेको आरोपमा उनी विरुद्ध जिल्ला प्रहरी कार्यालय, तनहुँमा उजुरी परेको थियो। त्यसका आधारमा प्रहरीले अनुसन्धान अघि बढाएको थियो।
प्रहरीमा उजुरी परेपछि उनी फरार सूचीमा थिए। काठमाडौंमा रहेका उनी आज तनहुँ पुगेका हुन्।
-1732180391.jpg)
-1732099242.jpg)
