कुनै पूर्वशर्त विना इरानसँग कुराकानी गर्न अमेरिका तयार : पोम्पेओ
इरानसँग ‘कुनै पूर्वशर्त विना कुराकानी गर्न’ वासिङ्टन तयार रहेको आइतबार अमेरिकाले बताएको छ ।
तस्वीर : रासस
अमेरिकाले इरानका ‘गलत गतिविधि’लाई नियन्त्रण गर्न आवश्यक कदम चाल्ने कुरामा पनि अमेरिकी विदेशमन्त्री माइक पोम्पेओले जोड दिए ।
अमेरिकी विदेशमन्त्री पोम्पेओले स्वीट्जरल्याण्डका विदेश मन्त्री इग्नाजिओ कासिससँगको संयुक्त पत्रकार सम्मेलनमा भने, “हामी ‘कुनै पूर्वशर्त विना’ इरानसँग कुराकानी गर्न तयार छौँ । उनीहरूसँग बसेर छलफल गर्न चाहन्छौँ ।”
“तर उक्त इस्लामिक गणतन्त्रको ‘रिभोलुसनरी फोर्स’ बाट हुने गलत गतिविधिलाई आधारभूत रूपमा नै पराजित गर्नेतर्फ भने अमेरिकी प्रयास जारी रहेको र आगामी दिनमा पनि यसलाई निरन्तरता दिइने छ ।”
शनिबार अमेरिका र इरानबीच चलिरहेको लगातारको तनावका बीच इरानी राष्ट्रपति हसन रुहानीले अमेरिकाले सम्मान दर्शाउँछ र अन्तर्राष्ट्रिय नियमको पालना गर्छ भने इरान वार्ता गर्न सहमत हुन सक्ने बताएका थिए ।
–एएफपी
-1732353496.jpg)
