च्यासल युथ क्लब ‘बी’ डिभिजनमा घटुवा
कतार एयरवेज शहीद स्मारक ‘ए’ डिभिजन लिग खेलिरहेको च्यासल युथ क्लब रेलिगेसनमा परेको छ।
काठमाडौंको दशरथ रंगशालामा शनिबार जित्नैपर्ने आफ्नो बाह्रौं खेलमा फ्रेन्ड्स क्लबसँग पराजित भएपछि च्यासल ‘बी’ डिभिजनमा झरेको हो। १२ मध्ये एक खेल जितेको च्यासलले ६ अङ्क जोडेको छ। उसले अहिलेसम्म २१ गोल व्यहोर्दै पाँच गोल गरेको छ।
१२ खेलबाट १० अङ्क जोडेको फ्रे्न्ड्स अङ्कतालिकाको १२औं स्थानमा छ। ३८ र ४३औं मिनेटमा जामुअल अन्थोनीको गोल मद्दतले फ्रेन्ड्सले तीन अङ्क जोडेको हो। च्यासलका लागि मौसा आबागानाले ५६औं मिनेट गोल गरे पनि टीमलाई रेलिगेसनबाट जोगाउन सकेनन्।
ललितपुरको च्यासल क्लब २०७५ सालमा ‘ए’ डिभिजनमा उक्लिएको थियो। च्यासलले २०७६ मा आठौं र २०७७ मा नवौं स्थानमा लिग टुङ्ग्याएको थियो।
-1732261651.jpg)
-1732259528.jpg)