नारायणगढ–मुग्लिन सडकमा पहिरो, एकतर्फी सञ्चालन
नारायणगढ–मुग्लिन सडकखण्ड पहिरोका कारण एकतर्फी रुपमा मात्र सञ्चालन भएको छ ।
शनिबार राति आएको वर्षाका कारण दुई ठाउँमा पहिरो जाँदा सडक एकतर्फी सञ्चालनमा भएको हो ।
जिल्ला प्रहरी कार्यालय चितवनका अनुसार राति १० बजे सो सडकखण्डको जलविरे र पाँचकिलो भन्ने स्थानमा पहिरो गएको थियो ।
अहिले पहिरो पन्छाउने काम भइरहेको र अझै दुई/तीन घण्टा लाग्ने प्रहरीले जनाएको छ ।
सो सडकखण्ड निर्माणका क्रममा अघिल्लो वर्ष पनि पहिरोका कारण यात्रुले सास्ती बेहोर्नुपरेको थियो ।
-1732353496.jpg)
