मछिन्द्र क्लब बन्यो लिग च्याम्पियन
दुई चरणका खेल बाँकी छँदै मछिन्द्र फूटबल क्लब शहीद स्मारक लिग ‘ए’ डिभिजन च्याम्पियन बनेको छ।
बुधबार सातदोबाटो यूथ क्लबलाई १-० ले पराजित गर्दै मछिन्द्र च्याम्पियन बनेको हो। मछिन्द्र दोस्रो पटक लिग च्याम्पियन बनेको हो।
दशरथ रङ्गशालामा भएको खेलमा मछिन्द्रका लागि अजरबैजानका नोर्लोन नोभरुजोभले एक गोल गरे। उनको गोल नै मछिन्द्रका लागि लिग च्याम्पियन बन्न पर्याप्त भयो।
दशौं चरणको खेल जारी रहँदा मछिन्द्र अङ्कतालिकाको शीर्षस्थानमा छ। बुधबारको जितसँगै मछिन्द्रले २९ अङ्क जोडेको छ। दोस्रो स्थानमा रहेको मनाङ मर्स्याङ्दी क्लबको २० अङ्क मात्रै छ।
अबका सबै खेल मनाङले जिते पनि मछिन्द्रलाई उछिन्न सक्नेछैन। यसअघि छैटौं चरणमा मछिन्द्रले मनाङलाई हराएकाले हेड टु हेडका आधारमा मछिन्द्र अगाडि छ।
आजको खेलमा पहिलो हाफ बराबरीमा टुङ्गिएको थियो। दोस्रो हाफ लगत्तै अजरबैजनानका नोभरुजोभले गोल गरेका हुन्।
-1732261651.jpg)
-1732259528.jpg)