एनसेलले घटायो लोकल कलको महशुल दर
एनसेलले सबै लोकल कलको महशुल दर घटाएको छ।
एनसेल आजियाटा लिमिटेडले देशभर भ्वाइस कलको महशुल दर घटाएर कर बाहेक प्रति मिनेट १.६२ रुपैयाँ काम गरेको छ। यसअघि करबाहेक प्रति मिनेट १.९९ रुपैयाँ रहेको थियो।
प्रिपेड ग्राहकका लागि यो नयाँ महशुल दर कायम गरिएको हो। यो सुविधा लिन एस्ट्रिक्स् १७१०७ ह्यास डायल गरी निःशुल्क सेवा सञ्चालन गर्न सकिनेछ।
नयाँ महशुल दर २८ माघबाट लागू भइसकेको एनसेलले जनाएको छ। आगामी २४ साउन २०७९ सम्म यो दर लागू हुने एनसेलले जनाएको छ।
