आज १९५७ जनामा कोरोना, ५ हजार निको भए
आज देशभर एक हजार ९५७ जनामा कोरोनाभाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार १२ हजार ६९५ स्वाब परीक्षण गर्दा एक हजार ९५७ जनामा कोरोना संक्रमण पुष्टि भएको हो। सोमबार ११ हजार ३६५ को स्वाब परीक्षण गर्दा एक हजार ५७० जनामा संक्रमण देखिएको थियो।
त्यस्तै, कोरोनाबाट ११ जनाको मृत्यु भएको छ। सोमबार १३ जनाको मृत्यु भएको थियो। योसँगै कोरोनाबाट मृत्यु हुनेको संख्या ११ हजार ८३८ पुगेको छ।
पछिल्लो २४ घण्टामा ५ हजार १०३ जना निको भएका छन्। योसँगै निको हुनेको संख्या पनि ९ लाख २० हजार ५९२ पुगेको छ। अझै पनि ३६ हजार १८१ जना सक्रिय संक्रमित छन्।
