कोरोनाबाट १३ जनाको मृत्यु, १५७० मा संक्रमण
कोभिड–१९ संक्रमणबाट १३ जनाको मृत्यु भएको छ भने एक हजार ५७० जनामा संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार सोमबार ११ हजार ३६५ को स्वाब परीक्षण गर्दा एक हजार ५७० जनामा संक्रमण पुष्टि भएको हो। आइतबार नौ हजार २५१ जनाको स्वाब परीक्षण गर्दा एक हजार ३८६ जनामा कोरोना देखिएको थियो।
त्यस्तै, आज कोरोनाबाट १३ जनाको मृत्यु भएको छ। शनिबार ११ जनाको मृत्यु भएको थियो। योसँगै कोरोनाबाट मृत्यु हुनेको संख्या ११ हजार ८२३ पुगेको छ।
पछिल्लो २४ घण्टामा ६ हजार १४६ जना निको भएका छन्। शनिबार आठ हजार ७०४ जना निको भएका थिए। निको हुनेको संख्या पनि ९ लाख १५ हजार ४८९ पुगेको छ।
