साढे ८ हजार स्वाब परीक्षण गर्दा १७१४ मा कोरोना, ९ जनाको मृत्यु
कोभिड-१९ को परीक्षण घटेसँगै नयाँ थपिने सङ्क्रमितको सङ्ख्या पनि घटेको छ।
स्वास्थ्य तथा जनसङ्ख्या मन्त्रालयका अनुसार, आज आठ हजार ५१३ स्वाब परीक्षण गर्दा एक हजार ७१४ जनामा कोरोनाभाइरसको सङ्क्रमण पुष्टि भएको छ। शुक्रबार ११ हजार ७३ जनाको स्वाब परीक्षण गर्दा दुई हजार ५२६ जनामा कोरोना देखिएको थियो।
त्यस्तै, आज कोरोनाबाट मृत्यु हुनेको सङ्ख्या पनि घटेको छ। पछिल्लो २४ घण्टामा कोरोना सङ्क्रमणबाट नौ जनाको मृत्यु भएको छ। शुक्रबार कोरोनाबाट १६ जनाको मृत्यु भएको थियो।
यसै गरी आज चार हजार ७७१ जना निको भएका छन्। शुक्रबार आठ हजार ४२५ जना निको भएका थिए। अझै ५२ हजार ७८० जना सक्रिय सङ्क्रमित छन्।
-1732180391.jpg)
-1732099242.jpg)