फेरि एकैदिन १० हजार नाघे कोरोना सङ्क्रमित
कोभिड–१९ सङ्क्रमितको सङ्ख्या फेरि १० हजार नाघेको छ।
स्वास्थ्य तथा जनसङ्ख्या मन्त्रालयका अनुसार, २१ हजार २०१ जनाको स्वाब परीक्षण गर्दा १० हजार ३१९ जनामा कोरोना पुष्टि भएको छ। आइतबार १७ हजार ४३७ जनाको स्वाब परीक्षण गर्दा ६ हजार ४६२ जनामा कोरोना सङ्क्रमण देखिएको थियो।
आज सङ्क्रमण पुष्टि भएकामध्ये १६ हजार ६५४ जनाको पीसीआर परीक्षण गर्दा आठ हजार ५४ जनामा र चार हजार ५४७ जनाको एन्टिजेन परीक्षण गर्दा दुई हजार २६५ जनामा कोरोना देखिएको हो।
पछिल्लो २४ घण्टामा कोरोनाबाट चार जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ६५९ पुगेको छ।
सोमबार दुई हजार ५४० जना निको भएका छन्। योसँगै निको हुनेको सङ्ख्या पनि आठ लाख २३ हजार २३९ पुगेको छ।
नयाँ थपिएका सङ्क्रमितको तुलनामा निको हुनेको सङ्ख्या बढ्न सकेको छैन। जसले गर्दा सक्रिय सङ्क्रमितको सङ्ख्या बढेर ८२ हजार ५५० पुगेको छ।
-1732180391.jpg)
-1732099242.jpg)
