१७ हजार स्वाब परीक्षण गर्दा ६ हजारमा कोरोना
आज कोभिड-१९ सङ्क्रमितको सङ्ख्या केही घटेको छ भने निको हुनेको सङ्ख्या बढेको छ।
स्वास्थ्य तथा जनसङ्ख्या मन्त्रालयका अनुसार, १७ हजार ४३७ जनाको स्वाब परीक्षण गर्दा ६ हजार ४६२ जनामा कोरोना सङ्क्रमण देखिएको छ। शनिबार २० हजार १८७ जनाको स्वाब परीक्षण गर्दा १० हजार २५४ जनामा सङ्क्रमण पुष्टि भएको थियो।
सङ्क्रमण पुष्टि भएकामध्ये १३ हजार ३७७ जनाको पीसीआर परीक्षण गर्दा पाँच हजार ५९८ जनामा र चार हजार ६० जनाको एन्टिजेन परीक्षण गर्दा ८६४ जनामा कोरोना देखिएको हो।
आज कोरोनाबाट चार जनाको मृत्यु भएको छ। शनिबार १६ जनाको मृत्यु भएको थियो। योसँगै कोरोनाबाट मृत्यु हुनेको सङ्ख्या ११ हजार ६५५ पुगेको छ।
पछिल्लो २४ घण्टामा एक हजार ४१६ जना निको भएका छन्। शनिबार ७०८ जना निको भएका थिए।
