आज १० हजार ७०३ जनामा कोरोना सङ्क्रमण
केही दिनदेखि बढ्दै गएको कोभिड-१९ सङ्क्रमितको सङ्ख्या आज भने थोरै घटेको छ।
स्वास्थ्य तथा जनसङ्ख्या मन्त्रालयका अनुसार, आज २३ हजार ९२ जनाको स्वाब परीक्षण गर्दा १० हजार ७०३ जनामा कोरोना पुष्टि भएको छ। बिहीबार २७ हजार ४९७ जनाको स्वाब परीक्षण गर्दा १२ हजार ३३८ जनामा कोरोना देखिएको थियो।
आज सङ्क्रमण देखिएकामध्ये १८ हजार ६१८ जनाको पीसीआर परीक्षण गर्दा आठ हजार ८१५ जनामा र चार हजार ४७४ जनाको एन्टिजेन परीक्षण गर्दा एक हजार ८८८ जनामा सङ्क्रमण देखिएको हो।
पछिल्लो २४ घण्टामा कोरोनाबाट तीन जनाको मृत्यु भएको छ। योसँगै मृत्यु हुनेको सङ्ख्या ११ हजार ६३५ पुगेको छ।
शुक्रबार ७६६ जना निको भएका छन्। निको हुनेको सङ्ख्या भने बढ्न सकेको छैन। सक्रिय सङ्क्रमितको सङ्ख्या ६५ हजार ३७४ पुगेको छ।
-1732180391.jpg)
-1732099242.jpg)
