एकै दिन थपिए १२ हजार ३३८ कोरोना सङ्क्रमित
कोरोनाभाइरस सङ्क्रमितको सङ्ख्या दिनदिनै बढ्दै गएको छ। आज १२ हजार ३३८ जनामा कोरोना सङ्क्रमण देखिएको छ।
स्वास्थ्य तथा जनसङ्ख्या मन्त्रालयका अनुसार, २७ हजार ४९७ जनाको स्वाब परीक्षण गर्दा १२ हजार ३३८ जनामा कोरोना पुष्टि भएको हो। यो अहिलेसम्मकै सबैभन्दा बढी हो।
बुधबार २३ हजार ४०९ जनाको परीक्षण गर्दा ११ हजार ३५२ जनामा कोरोनामा देखिएको थियो। तीन दिनयता दैनिक नयाँ रेकर्ड बन्दै गएको छ।
२१ हजार सात जनाको पीसीआर परीक्षण गर्दा १० हजार ५२ जनामा र ६ हजार ४९० जनाको एन्टिजेन परीक्षण गर्दा दुई हजार २८६ जनामा कोरोना देखिएको हो।
पछिल्लो २४ घण्टामा कोरोनाबाट चार जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ६३२ पुगेको छ।
त्यस्तै, बिहीबार ६४९ जना निको भएका छन्। निको हुनेको सङ्ख्या न्यून रहँदा सक्रिय सङ्क्रमितको सङ्ख्या बढ्दै गएको छ। स्वास्थ्य मन्त्रालयका अनुसार, सक्रिय सङ्क्रमितको सङ्ख्या ५७ हजार ३२८ पुगेको छ।
-1732180391.jpg)
-1732099242.jpg)
