आज सबैभन्दा बढी ११ हजार ३५२ जनामा कोरोना पुष्टि
कोरोनाभाइरस सङ्क्रमितको सङ्ख्या आज पनि बढेको छ। आज अहिलेसम्मकै सबैभन्दा बढी सङ्क्रमित पुष्टि भएका छन्।
स्वास्थ्य तथा जनसङ्ख्या मन्त्रालयका अनुसार, बुधबार देशभर ११ हजार ३५२ जनामा कोरोना देखिएको छ। देशभर २३ हजार ४०९ जनाको परीक्षण गरिएको थियो।
यो एकै दिन पुष्टि भएको अहिलेसम्मकै सबैभन्दा बढी सङ्क्रमितको सङ्ख्या हो। दोस्रो लहरमा पनि एकै दिन यति सङ्क्रमित पुष्टि भएका थिएनन्।
आज कोरोनाबाट ४ जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ६२८ पुगेको छ।
आज ६१३ जना निको भएका छन्। योसँगै सक्रिय संक्रमितको संख्या बढेर ४७ हजार ९२९ पुगेको छ।
-1732180391.jpg)
-1732099242.jpg)
