एकैदिन १० हजार २५८ जनामा कोरोना सङ्क्रमण
मंगलबार देशभर कोरोनाभाइरसका १० हजार २५८ जना नयाँ सङ्क्रमित थपिएका छन्।
२२ हजार ८२८ जनाको नमूना परीक्षण गर्दा १० हजारभन्दा बढीमा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
सङ्क्रमण पुष्टि भएकामध्ये १७ हजार ८७२ जनाको पीसीआर परीक्षण गर्दा आठ हजार ७३० जनामा र चार हजार ९५६ जनाको एन्टिजेन परीक्षण गर्दा एक हजार ५२८ जनामा कोरोना सङ्क्रमण देखिएको हो।
नयाँ सङ्क्रमित थपिएसँगै देशभर सक्रिय सङ्क्रमितको सङ्ख्या ३९ हजार ४४ पुगेको छ।
मंगलबार कोरोना सङ्क्रमणबाट एक जनाको मृत्यु भएको छ। योसँगै सङ्क्रमणबाट मृत्यु हुनेको सङ्ख्या ११ हजार ६२४ पुगेको छ।
पछिल्लो २४ घण्टामा ५६३ जना सङ्क्रमणमुक्त भएका छन्।
-1732180391.jpg)
