एकैदिन ६७३४ जनामा कोरोना पुष्टि
आज देशभर ६ हजार ७३४ जनामा कोरोनाभाइरसको सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार, १७ हजार ४६५ जनाको स्वाब परीक्षण गर्दा ६ हजार ७३४ जनामा कोरोना देखिएको हो। आइतबार १५ हजार १३१ जनाको स्वाब परीक्षण गर्दा चार हजार ९६१ जनामा कोरोना देखिएको थियो।
सङ्क्रमण पुष्टि भएकामध्ये १४ हजार १४ जनाको पीसीआर परीक्षण गर्दा पाँच हजार ७४७ जनामा र तीन हजार ४५१ जनाको एन्टिजेन परीक्षण गर्दा ९८७ जनामा कोरोना देखिएको हो।
आज पनि कोरोना सङ्क्रमणबाट तीन जनाको मृत्यु भएको छ। योसँगै कोरोनाबाट मृत्यु हुनेको सङ्ख्या पनि ११ हजार ६२३ पुगेको छ।
त्यस्तै, पछिल्लो २४ घण्टामा ५४७ जना निको भएका छन्। निको हुनेको सङ्ख्या बढ्न नसक्दा सक्रिय सङ्क्रमित बढ्दै गएका छन्। आजसम्म देशभर ३० हजार ८७७ जना सक्रिय सङ्क्रमित छन्।
-1732353496.jpg)
