आज पनि बढे सङ्क्रमित, ४९६१ जनामा कोरोना पुष्टि
आज पनि कोरोनाभाइरस सङ्क्रमितको सङ्ख्या बढेको छ। देशभर चार हजार ९६१ जनामा सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार, १५ हजार १३१ जनाको स्वाब परीक्षण गर्दा चार हजार ९६१ जनामा कोरोना देखिएको हो। शनिबार १४ हजार ५५६ जनाको स्वाब परीक्षण गर्दा चार हजार ६३६ जनामा कोरोना देखिएको थियो।
आज सङ्क्रमण पुष्टि भएकामध्ये १२ हजार ५६२ जनाको पीसीआर परीक्षण गर्दा चार हजार ५३४ जनामा र दुई हजार ५६९ जनाको एन्टिजेन परीक्षण गर्दा ४२७ जनाको कोरोना देखिएको हो।
त्यस्तै, कोरोना सङ्क्रमणबाट तीन जनाको मृत्यु भएको छ। योसँगै मृत्यु हुनेको सङ्ख्या ११ हजार ६२० पुगेको छ।
पछिल्लो २४ घण्टामा ४३५ जना निको भएका छन्। निको हुनेको सङ्ख्या कम हुँदा सक्रिय सङ्क्रमित बढ्दै गएका छन्। अहिले देशभर २५ हजार ६८० जना सक्रिय सङ्क्रमित छन्।
-1732180391.jpg)
