परीक्षण घट्दा पनि आज ४६३६ जनामा कोरोना
कोभिड-१९ को परीक्षण घट्दा पनि आज चार हजार ६३६ जनामा सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार, आज १४ हजार ५५६ जनाको स्वाब परीक्षण गर्दा चार हजार ६३६ जनामा सङ्क्रमण देखिएको छ। शुक्रबार २० हजार ५६० जनाको स्वाब परीक्षण गर्दा पाँच हजार ८७ जनामा कोरोना देखिएको थियो।
आज सङ्क्रमण पुष्टि भएकामध्ये १० हजार ४१२ जनाको पीसीआर परीक्षण गर्दा तीद्द हजार ७०३ जनामा र चार हजार १४४ जनाको एन्टिजेन परीक्षण गर्दा ९३३ जनामा कोरोना देखिएको हो।
त्यस्तै, कोरोनाबाट मृत्यु हुनेको सङ्ख्या पनि बढ्न थालेको छ। आज चार जनाको मृत्यु भएको छ। शुक्रबार तीन जनाको मृत्यु भएको थियो। पछिल्लो केही सातामा कोरोनाबाट दैनिक मृत्यु हुनेको सङ्ख्या बढीमा दुई रहेको थियो।
पछिल्लो २४ घण्टामा ३५० जना निको भएका छन्। सङ्क्रमित हुनेभन्दा निको हुनेको सङ्ख्या कम हुँदा सक्रिय सङ्क्रमितको सङ्ख्या पनि बढ्दै गएको छ। शनिबारसम्म देशभर २१ हजार ५८४ जना सक्रिय सङ्क्रमित छन्।
-1732180391.jpg)
