एकैदिन ३५५३ जनामा कोरोना सङ्क्रमण पुष्टि
आज पनि कोरोनाभाइरस सङ्क्रमितको सङ्ख्या बढेको छ। देशभर तीन हजार ५५३ जनामा सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार, १५ हजार ८१ जनाको स्वाब परीक्षण गर्दा तीन हजार ५५३ जनामा सङ्क्रमण देखिएको हो। बुधबार तीन हजार ७५ जनामा सङ्क्रमण देखिएको थियो।
आज सङ्क्रमण देखिएकामध्ये १० हजार ४९८ जनाको पीसीआर परीक्षण गर्दा दुई हजार ९२२ जनामा र चार हजार ५८३ जनाको एन्टिजेन परीक्षण गर्दा ६३१ जनामा सङ्क्रमण पुष्टि भएको हो।
पछिल्लो २४ घण्टामा कोरोनाबाट एक जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ६१० पुगेको छ।
त्यस्तै, आज २७१ जना निको भएका छन्। योसँगै निको हुनेको सङ्ख्या पनि आठ लाख १५ हजार ३४७ पुगेको छ।
-1732180391.jpg)
