एकैदिन थपिए ३०७५ कोरोना संक्रमित
एकैदिन तीन हजार ७५ जनामा कोरोनाभाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभर १३ हजार २६ जनाको स्वाब परीक्षण गर्दा तीन हजार ७५ जनामा संक्रमण देखिएको हो। मंगलबार दुई हजार ४४४ जनामा संक्रमण देखिएको थियो।
आज काठमाडौं उत्पकामा एक हजार ५३५ जनामा संक्रमण देखिएको छ।
कोरोना संक्रमणबाट पछिल्लो २४ घण्टामा दुई जनाको मृत्यु भएको छ। योसँगै कोरोनाबाट मृत्यु हुनेको संख्या ११ हजार ६०९ पुगेको छ।
आज २७८ जना निको भएका छन्। योसँगै निको हुनेको संख्या पनि आठ लाख १५ हजार ७६ पुगेको छ।
-1732180391.jpg)
